#panoor l പൂർവ്വ വിദ്യാർത്ഥി സംഗമം

 പാനൂർ:പൂർവ്വ വിദ്യാർത്ഥി സംഘടനകൾ സാമൂഹ്യ - ജീവകാരുണ്യ പ്രവർത്തനങ്ങളും നടത്തണമെന്ന് കെ.പി മോഹനൻ എം എൽ എ. പാനൂർ ഹൈസ്കൂളിലെ 1984 ബാച്ച് എസ്എസ്എൽസി  വിദ്യാർഥികളുടെ കൂട്ടായ്മയായ ചങ്ങാതികൂട്ടം കുടുംബ സംഗമം ഹൈസ്കൂൾ ഓഡിറ്റോറിയത്തിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. 

Also read: പെരുമ്പാവൂര്‍ ജിഷ വധക്കേസ്:അമീറുള്‍ ഇസ്ലാമിന്‍റെ വധശിക്ഷ നടപ്പാക്കുന്നതില്‍ വിധി തിങ്കളാഴ്ച

സഹാനുഭൂതി അർഹിക്കുന്നവർ നിങ്ങളുടെ കൂട്ടത്തിൽ തന്നെ ഉണ്ടാകാം. അവരെ സഹായിക്കണം. കൂട്ടായ്മകൾ സംഘടിപ്പിക്കുമ്പോൾ തന്നെ സാമൂഹ്യ - ജീവകാരുണ്യ പ്രവർത്തനങ്ങൾ ഏറ്റെടുത്ത് നടപ്പാക്കാൻ സാധിക്കണം. പൂർവ വിദ്യാർത്ഥികൾക്ക് അത്തരം ഉത്തരവാദിത്വം കൂടി ഏറ്റെടുക്കാനാവണമെന്നും കെ പി മോഹനൻ എം എൽ എ പറഞ്ഞു. എ യതീന്ദ്രൻ മാസ്റ്റർ മുഖ്യഭാഷണം  നടത്തി.  

സ്മരണിക പ്രകാശനം ഡെപ്യൂട്ടി കലക്ടർ ടിവി രഞ്ജിത്ത്, കൃഷി വകുപ്പ് എക്സിക്യുട്ടീവ് എഞ്ചിനീയർ സി കെ മോഹനന് നൽകി നിർവഹിച്ചു. ഗുരുനാഥന്മാർക്കുള്ള ആദരവ് നഗരസഭ കൗൺസിലർ പി കെ പ്രവീൺ നിർവഹിച്ചു. സംഘാടക സമിതി കൺവീനർ എ പി പ്രഭാകരൻ അധ്യക്ഷനായി. പ്രധാനധ്യാപിക പ്രമീള, കൗൺസിലർ കെ കെ സുധീർ കുമാർ,  മാധ്യമ പ്രവർത്തകൻ കെ കെ സജീവ് കുമാർ, അഭിഭാഷകൻ ടി സുനിൽ കുമാർ, സിനിമാ സീരിയൽ സംവിധായകൻ വി ഒ മനോജ് കുമാർ, കെ കെ ലത്തീഫ് എന്നിവർ സംസാരിച്ചു.

Also read: സംസ്ഥാനത്ത് അതിതീവ്ര മഴ മുന്നറിയിപ്പ്: 3 ജില്ലകളില്‍ റെഡ് അലര്‍ട്ട്

സംഘാടക സമിതി വൈസ് ചെയർമാൻ കെ വി റംല ടീച്ചർ സ്വാഗതവും, സ്വാഗത സംഘം ചെയർമാൻ ആപ്പി അഷ്റഫ് നന്ദിയും പറഞ്ഞു. ഗുരുനാഥന്മാർ മറുമൊഴി നടത്തി. ഉച്ചയ്ക്ക് രണ്ടു മുതൽ നാലു വരെ ചങ്ങാതിക്കൂട്ടം കായിക പരിപാടികളും, നാലു മുതൽ കുടുംബാംഗങ്ങളുടെ ഗാനമേള, നൃത്തനൃത്യങ്ങൾ ഏഴു മുതൽ ജാനു തമാശകൾ, മട്ടന്നൂർ ശിവദാസൻ, ശാർങ്ധരൻ കൂത്തുപറമ്പ് എന്നിവരുടെ മിമിക്സ് എന്നിവ നടന്നു. മൺമറഞ്ഞ പൂർവ അധ്യാപകരുടെ ഛായാചിത്രങ്ങൾക്ക് മുന്നിൽ പുഷ്പാർച്ചന നടത്തിയാണ് കുടുംബ സംഗമം ആരംഭിച്ചത്.

Panoor