കലാലയ ജീവിതം തിരികെ ലഭിക്കുമ്പോൾ മറക്കരുത് കോവിഡ് കാലഘട്ടം നാം മറികടന്നിട്ടില്ല

കലാലയ ജീവിതം തിരികെ ലഭിക്കുമ്പോൾ മറക്കരുത് കോവിഡ് കാലഘട്ടം നാം മറികടന്നിട്ടില്ല
Oct 4, 2021 01:10 PM | By Vinod

അടച്ചിട്ട കോളേജുകൾ ഒന്നര വർഷത്തിനു ശേഷം ഇന്ന് വീണ്ടും തുറന്നപ്പോൾ ആഹ്ലാദത്തിലാണ് വിദ്യാർത്ഥികൾ ആശങ്കയിൽ രക്ഷിതാക്കളും. എന്‍ജിനിയറിങ് കോളേജുകളില്‍ ആറു മണിക്കൂര്‍ ദിവസേന ക്ലാസ് നടത്താം. ഒരു ഡോസ് വാക്‌സിന്‍ എങ്കിലും സ്വീകരിച്ച വിദ്യാര്‍ഥികള്‍ക്ക് ക്ലാസില്‍ എത്താം. പി.ജി. ക്ലാസുകളില്‍ മുഴുവന്‍ വിദ്യാര്‍ഥികള്‍ക്കും എല്ലാ ദിവസവും ക്ലാസിലെത്താം. ബിരുദ വിദ്യാര്‍ഥികളെ ഒരു ബാച്ചായി പരിഗണിച്ച്‌ ഇടവിട്ട ദിവസങ്ങളിലാകും ക്ലാസ്. സ്ഥലസൗകര്യമുള്ള കോളജുകളില്‍ ബിരുദ ക്ലാസുകള്‍ പ്രത്യേക ബാച്ചുകള്‍ ദിവസേന നടത്തും. ഹോസ്റ്റലുകളും തുറന്നു കഴിഞ്ഞു.

കലാലയ ജീവിതം തിരികെ ലഭിക്കുമ്പോൾ കോവിഡ് കാലഘട്ടം നാം മറിക്കടന്നിട്ടില്ലെന്ന് മറക്കരുതെന്ന് വിദ്യാർത്ഥികളെ ഓർമ്മിപ്പിക്കുകയാണ് ആരോ​ഗ്യമന്ത്രി വീണ ജോർജ്ജ്.


മന്ത്രി വീണ ജോർജ്ജിന്റെ ഫെയ്സ്ബുക്ക് പോസ്റ്റ്

സംസ്ഥാനത്ത് ഒക്‌ടോബര്‍ 4 മുതല്‍ ഉന്നത വിദ്യാഭ്യാസ സ്ഥാപനങ്ങള്‍ തുറക്കുന്ന പശ്ചാത്തലത്തില്‍ എല്ലാവരും കോവിഡ് മാര്‍ഗനിര്‍ദേശങ്ങള്‍ കൃത്യമായി പാലിക്കണം. കോവിഡ് വ്യാപനം കുറഞ്ഞ് വരുന്നെങ്കിലും നമ്മള്‍ പൂര്‍ണമായി കോവിഡില്‍ നിന്നും മുക്തരല്ല. വളരെ പോസിറ്റീവായി എല്ലാവരും കലാലയങ്ങളിലേക്ക് പോകുമ്പോള്‍ കോവിഡ് പോരാട്ടത്തില്‍ പഠിച്ച പാഠങ്ങള്‍ ആരും മറക്കരുത്. കുറച്ച് കാലം കൂടി ജാഗ്രത തുടരേണ്ടതാണ്.

" target="_blank">

ശ്രദ്ധിക്കേണ്ട കാര്യങ്ങള്‍

· എല്ലാ വിദ്യാര്‍ത്ഥികളും അധ്യാപകരും മറ്റ് ജീവനക്കാരും മാസ്‌ക് ധരിച്ച് മാത്രം വീട്ടില്‍ നിന്നിറങ്ങുക. കോവിഡ് ഡെല്‍റ്റ വകഭേദം നിലനില്‍ക്കുന്നതിനാല്‍ ഡബിള്‍ മാസ്‌ക് അല്ലെങ്കില്‍ എന്‍ 95 മാസ്‌കാണ് ഏറെ ഫലപ്രദം. വായും മൂക്കും മൂടത്തക്കവിധം മാസ്‌ക് ധരിക്കുക. · യാത്രകളിലും കാമ്പസുകളിലും മാസ്‌ക് താഴ്ത്തി സംസാരിക്കരുത്. ആരെങ്കിലും മാസ്‌ക് താഴ്ത്തുന്നെങ്കില്‍ മാസ്‌ക് വച്ച് സംസാരിക്കാന്‍ അഭ്യര്‍ത്ഥിക്കുക. · എല്ലാവരും ശാരീരിക അകലം പാലിക്കേണ്ടതാണ്. കൂട്ടംകൂടി നില്‍ക്കരുത്. · കൈകള്‍ കൊണ്ട് മുക്ക്, വായ, കണ്ണ് എന്നിവിടങ്ങളില്‍ സ്പര്‍ശിക്കരുത്. · അടച്ചിട്ട സ്ഥലങ്ങള്‍ പെട്ടെന്ന് രോഗവ്യാപനത്തിന് കാരണമാകുമെന്നതിനാല്‍ ജനാലകളും വാതിലുകളും തുറന്നിടേണ്ടതാണ്. · യാതൊരു കാരണവശാലും പേന, പെന്‍സില്‍, പുസ്തകങ്ങള്‍, മറ്റു വസ്തുക്കള്‍, കുടിവെള്ളം, ഭക്ഷണ പദാര്‍ത്ഥങ്ങള്‍ എന്നിവ പരസ്പരം കൈമാറാന്‍ പാടില്ല. · ഇടയ്ക്കിടെ സോപ്പും വെളളവും ഉപയോഗിച്ചോ സാനിറ്റൈസര്‍ ഉപയോഗിച്ചോ കൈകള്‍ വൃത്തിയാക്കണം. · പനി, ചുമ, ശ്വാസതടസം, ജലദോഷം തുടങ്ങിയ രോഗലക്ഷണങ്ങള്‍ ഉള്ളതോ സമ്പര്‍ക്കത്തിലുള്ളതോ ആയ വിദ്യാര്‍ത്ഥികള്‍, അധ്യാപകര്‍, ജീവനക്കാര്‍ എന്നിവര്‍ ഒരു കാരണവശാലും കോളേജില്‍ പോകരുത്. · കോവിഡ് സമ്പര്‍ക്ക പട്ടികയിലുള്ളവര്‍ ക്വാറന്റൈന്‍ മാര്‍ഗനിര്‍ദേശങ്ങള്‍ പാലിക്കണം. · ഏറ്റവുമധികം രോഗവ്യാപന സാധ്യതയുള്ളത് ഭക്ഷണം കഴിക്കുമ്പോഴാണ്. ഒന്നിച്ചിരുന്ന് കഴിക്കുന്നതിന് പകരം 2 മീറ്റര്‍ അകലം പാലിച്ച് കുറച്ച് വിദ്യാര്‍ത്ഥികള്‍ വീതം കഴിക്കണം. ഭക്ഷണം കഴിക്കുന്ന സമയത്ത് സംസാരിക്കാന്‍ പാടില്ല. · കൈകഴുകുന്ന സ്ഥലത്തും കൂട്ടം കൂടാന്‍ പാടില്ല. ഇവിടേയും രോഗവ്യാപനത്തിന് സാധ്യതയുണ്ട്. · ഉപയോഗശേഷം മാസ്‌കുകള്‍, കൈയുറകള്‍, ഭക്ഷണപദാര്‍ത്ഥങ്ങള്‍, മറ്റ് വസ്തുക്കള്‍ എന്നിവ അലക്ഷ്യമായി വലിച്ചെറിയാന്‍ പാടില്ല. · ടോയ്‌ലറ്റുകളില്‍ പോയതിന് ശേഷം കൈകള്‍ സോപ്പും വെള്ളവും അല്ലെങ്കില്‍ സാനിറ്റൈസര്‍ ഉപയോഗിച്ച് വൃത്തിയാക്കുക. · ആഹാരം കഴിച്ച ശേഷം പുതിയ മാസ്‌ക് ഉപയോഗിക്കുന്നതാണ് നല്ലത്. · വീട്ടിലെത്തിയ ഉടന്‍ മാസ്‌കും വസ്ത്രങ്ങളും അലക്ഷ്യമായിടാതെ സോപ്പുപയോഗിച്ച് കഴുകി, കുളിച്ച് വൃത്തിയായതിന് ശേഷം മാത്രം മറ്റുള്ളവരുമായി ഇടപഴകുക.

· അധ്യാപകര്‍ക്കോ, വിദ്യാര്‍ത്ഥികള്‍ക്കോ, രക്ഷിതാക്കള്‍ക്കോ എന്തെങ്കിലും സംശയമുണ്ടെങ്കില്‍ ദിശ 104, 1056, 0471 2552056 എന്നീ നമ്പരുകളില്‍ ബന്ധപ്പെടേണ്ടതാണ്.

college reopen kerala

Next TV

Related Stories
കൊട്ടിയൂർ ചന്ദ്രശേഖരന്റെ സ്മരണ നിലനിൽക്കണം, ഉചിതമായ സ്മാരകം അഭികാമ്യം

Oct 18, 2021 11:48 AM

കൊട്ടിയൂർ ചന്ദ്രശേഖരന്റെ സ്മരണ നിലനിൽക്കണം, ഉചിതമായ സ്മാരകം അഭികാമ്യം

പ്രശസ്തിയുടെ കൊടുമുടിയിൽ നിന്ന കൊട്ടിയൂർ ചന്ദ്രശേഖരൻ്റെ തലയെടുപ്പ് മങ്ങാത്ത വിധത്തിലുള്ള ഉചിതമായ സ്മാരകം ഗജരാജൻ്റേ സ്മരണക്കായി കൊട്ടിയൂരിൽ...

Read More >>
ഒടുവിൽ കേരളം തുറക്കുന്നു - 18ന് കോളേജുകൾ , 25 മുതൽ തിയേറ്ററുകൾ , ഇൻഡോർ ഓഡിറ്റോറിയങ്ങൾ, നവം: 1ന് സ്കൂളുകൾ

Oct 2, 2021 07:21 PM

ഒടുവിൽ കേരളം തുറക്കുന്നു - 18ന് കോളേജുകൾ , 25 മുതൽ തിയേറ്ററുകൾ , ഇൻഡോർ ഓഡിറ്റോറിയങ്ങൾ, നവം: 1ന് സ്കൂളുകൾ

ഒടുവിൽ കേരളം തുറക്കുന്നു - 18ന് കോളേജുകൾ , 25 മുതൽ തിയേറ്ററുകൾ , ഇൻഡോർ ഓഡിറ്റോറിയങ്ങൾ, നവം: 1ന്...

Read More >>
ജനകീയ വേലി ഫലം കണ്ടു - സൗരോർജ വേലിക്ക് മുൻമ്പിൽ മുട്ടുമടക്കി ആനക്കൂട്ടം

Oct 2, 2021 01:05 PM

ജനകീയ വേലി ഫലം കണ്ടു - സൗരോർജ വേലിക്ക് മുൻമ്പിൽ മുട്ടുമടക്കി ആനക്കൂട്ടം

ജനകീയ വേലി ഫലം കണ്ടു - സൗരോർജ വേലിക്ക് മുൻമ്പിൽ മുട്ടുമടക്കി...

Read More >>
സ്കൂളിൽ ആദ്യഘട്ടത്തിൽ ഹാജർ നിർബന്ധമല്ല

Sep 30, 2021 10:32 PM

സ്കൂളിൽ ആദ്യഘട്ടത്തിൽ ഹാജർ നിർബന്ധമല്ല

സ്കൂളിൽ ആദ്യഘട്ടത്തിൽ ഹാജർ...

Read More >>
Top Stories