കരിമണ്ണൂര്: മേല്ക്കൂര പൊളിച്ചുമാറ്റിയ വീടിന്റെ ഭിത്തി മറിഞ്ഞു വീണ് അഞ്ചര വയസ്സുകാരന് മരിച്ചു.
മുളപ്പുറം ഈന്തുങ്കല് പരേതനായ ജെയ്സന്റെ (കുട്ടായി) മകന് റയാന് ജോര്ജ് ജെയ്സനാണ് മരിച്ചത്. വ്യാഴാഴ്ച ഉച്ചക്ക് രണ്ടോടെയാണ് അപകടം. മേല്ക്കൂര പൊളിച്ചുനീക്കിയ പഴയ വീടിന്റെ വെട്ടുകല്ലുകൊണ്ടുള്ള ഭിത്തി മഴയില് കുതിര്ന്ന് സമീപത്ത് കളിച്ചുകൊണ്ടിരുന്ന റയാന്റെ ദേഹത്തേക്ക് ഇടിഞ്ഞു വീഴുകയായിരുന്നു.
ഉടന് മുതലക്കോടത്തെ സ്വകാര്യ ആശുപത്രിയില് എത്തിച്ചെങ്കിലും രക്ഷിക്കാനായില്ല. മുളപ്പുറം അംഗന്വാടിയിലെ വിദ്യാര്ഥിയാണ്. മാതാവ്: രേഷ്മ. സഹോദരങ്ങള്: റോസ് മേരി, റോണി, റീനു (വിദ്യാര്ഥികള്).
The boy died when the wall of the house fell on his body