മട്ടന്നൂർ : ഇരിട്ടി സർക്കിൾ ഓഫീസിലെ അസി എക്സൈസ് ഇൻസ്പെകടർ ബഷീർ പിലാട്ടിൻ്റെ നേതൃത്വത്തിൽ കല്ലൂരിൽ വച്ച് ബൈക്കിൽ കടത്തിയ 32 കുപ്പി (17 ലിറ്റർ) മാഹിമദ്യവുമായി ശ്രീകണ്ടാപുരം കൂട്ടുമുഖം സ്വദേശി വി.സി.മാത്യു (58) എന്നയാളെ അറസ്റ്റ് ചെയ്തു. ഇയാളിൽ നിന്ന് 500 മില്ലിയുടെ 30 കുപ്പിയും ഒരു ലിറ്ററിൻ്റെ 2 കുപ്പിയും പിടികൂടി.
മദ്യം കടത്താൻ ഉപയോഗിച്ച KL 59 C 2751 ബജാജ് ബൈക്കും കസ്റ്റഡിയിലെടുത്തു. ശ്രീകണ്ടാപുരം റെയിഞ്ചിലെ മുൻ അബ്കാരി കേസ് പ്രതിയായ ഇയാൾ മാഹി മദ്യം സ്ഥിരമായി കടത്തുന്നുണ്ട് എന്ന വിവരത്തിൻ്റെ അടിസ്ഥാനത്തിൽ നിരീക്ഷണത്തിൽ ആയിരുന്നു.എക്സൈസ് സംഘത്തിൽ അസി. എക്സൈസ് ഇൻസ്പെക്ടർ കെ.കെ. ഷാജി, പ്രിവൻ്റീവ് ഓഫീസർ പി എൻ സതീഷ്, സിവിൽ എക്സൈസ് ഓഫീസർമാരായ ബെൻഹർ കോട്ടത്തു വളപ്പിൽ, ടി. പി. സുദീപ്, അഭിജിത്ത് ടി സിവിൽ എക്സൈസ് ഓഫീസർ ഡ്രൈവർ കെ.പി. ജുനിഷ് എന്നിവരും ഉണ്ടായിരുന്നു.
Exciceraid
