.jpeg)
കണ്ണൂർ ജില്ലയിലെ സർക്കാർ/ഐ.എച്ച്.ആർ.ഡി/സ്വാശ്രയ പോളിടെക്നിക് കോളേജുകളിലേക്കുള്ള ഒന്നാം വർഷ ഡിപ്ലോമ പ്രവേശനത്തിനായുള്ള ജില്ലാതല കൗൺസിലിംഗ് ജൂലൈ 15, 16, 17 തീയ്യതികളിൽ കണ്ണൂർ തോട്ടട ഗവ. പോളിടെക്നിക് കോളേജിൽ നടക്കും. കൗൺസിലിംഗിൽ പങ്കെടുക്കാൻ ആഗ്രഹിക്കുന്ന റാങ്ക് ലിസ്റ്റിൽ ഉൾപ്പെട്ട അപേക്ഷകർ ജൂലൈ 13 വരെ അഡ്മിഷൻ പോർട്ടലായ https://polyadmission.org ലെ 'Counseling/Spot Admission Registration' എന്ന ലിങ്ക് വഴി ഓൺലൈനായി രജിസ്ട്രേഷൻ പൂർത്തിയാക്കണം.
അപേക്ഷകർക്ക് അനുവദിച്ചിട്ടുള്ള റാങ്ക് പരിധി അനുസരിച്ച് നിശ്ചയിച്ചിരിക്കുന്ന തീയ്യതിയിലും സമയത്തും രക്ഷിതാക്കൾക്കൊപ്പം കൗൺസിലിംഗിൽ പങ്കെടുക്കണം.
ജൂലൈ 15: സ്ട്രീം 1-ലെ റാങ്ക് 1 മുതൽ 7000 വരെ ഉള്ളവർ രാവിലെ 9 മുതൽ 10 വരെ, റാങ്ക് 7001 മുതൽ 12000 വരെ ഉള്ളവർ രാവിലെ 10.30 മുതൽ 11.30 വരെ, റാങ്ക് 12001 മുതൽ 15000 വരെ ഉള്ളവർ ഉച്ച 12 മുതൽ 1 വരെ ഹാജരാകണം.
ജൂലൈ 16: സ്ട്രീം 1-ലെ റാങ്ക് 15001 മുതൽ 21000 വരെ ഉള്ളവർ രാവിലെ 9 മുതൽ 10 വരെ, റാങ്ക് 21001 മുതൽ 26000 വരെ ഉള്ളവർ രാവിലെ 10.30 മുതൽ 11.30 വരെ, റാങ്ക് 26001 മുതൽ 30000 വരെ ഉള്ളവർ ഉച്ചയ്ക്ക് 12 മുതൽ 1 വരെ ഹാജരാകണം.
ജൂലൈ 17: സ്ട്രീം 1-ലെ റാങ്ക് 30000 മുകളിലുള്ളവർ രാവിലെ 9 മുതൽ 10 വരെ കൗൺസിലിംഗിൽ പങ്കെടുക്കണം. സ്ട്രീം 2-ൽ പയ്യന്നൂർ വനിത പോളിടെക്നിക് കോളേജിലെ കമ്പ്യൂട്ടർ ആപ്ലിക്കേഷൻ ആൻഡ് ബിസിനസ് മാനേജ്മെന്റ് ബ്രാഞ്ചിലേക്ക് പ്രവേശനം ആഗ്രഹിക്കുന്ന എല്ലാവരും രാവിലെ 11 മുതൽ 12 വരെ.
കൗൺസിലിംഗിൽ പങ്കെടുക്കുന്ന വിദ്യാർത്ഥികൾ കൗൺസിലിംഗ് രജിസ്ട്രേഷൻ സ്ലിപ്പ്, എസ്.എസ്.എൽ.സി./തത്തുല്യ പരീക്ഷയുടെ അസ്സൽ സർട്ടിഫിക്കറ്റ്, ട്രാൻസ്ഫർ സർട്ടിഫിക്കറ്റ്, സ്വഭാവ സർട്ടിഫിക്കറ്റ് എന്നിവ നിർബന്ധമായും ഹാജരാക്കണം. കൂടാതെ സാമൂഹികവും വിദ്യാഭ്യാസപരവുമായിട്ടുള്ള പിന്നാക്ക വിഭാഗങ്ങൾ, ഒ.ഇ.സി., പട്ടികജാതി/പട്ടികവർഗം, ഇ.ഡബ്ല്യു.എസ്., ഫീസ് ആനുകൂല്യം എന്നിവയ്ക്ക് അർഹതയുള്ളവർ ബന്ധപ്പെട്ട അസ്സൽ സർട്ടിഫിക്കറ്റുകളും വരുമാന സർട്ടിഫിക്കറ്റും ഹാജരാക്കണം. ഭിന്നശേഷിക്കാർ അസ്സൽ മെഡിക്കൽ സർട്ടിഫിക്കറ്റിനൊപ്പം മെഡിക്കൽ ബോർഡ് നൽകിയ ഫിറ്റ്നസ് സർട്ടിഫിക്കറ്റും ഹാജരാക്കണം.
ഒഴിവുകൾ സംബന്ധിച്ച വിവരങ്ങൾക്കും മറ്റ് വിശദാംശങ്ങൾക്കും www.polyadmission.org സന്ദർശിക്കാം. ഫോൺ: 9946484890, 9744340666, 9497648738.
Content Highlight: Kannur
.jpeg)
