.png)
ഇരിട്ടി: ആറളം ശലഭ സങ്കേതത്തിൽ നിന്നു കാട്ടാനകൾ ചീങ്കണ്ണിപ്പുഴ കടന്ന് ആറളം പുനരധിവാസ മേഖലയിലേക്കു കടക്കുന്നതു സംബന്ധിച്ച് മുന്നറിയിപ്പ് ലഭ്യമാക്കുന്നതിനായി വളയംചാലിൽ ചീങ്കണ്ണിപ്പുഴയുടെ തീരത്ത് ആറളം റേഞ്ച് ഓഫിസ് കോംപൗണ്ടിന്റെ കവാടത്തോടു ചേർന്ന് 2 ഫാം ഗാർഡ് ഡിവൈസുകൾ സ്ഥാപിച്ചു.
നിലവിൽ ആനകൾ ജനവാസ മേഖലയിലേക്കിറങ്ങുന്നതു തടയുന്നതിനായി ഈ ഭാഗത്തു ചീങ്കണ്ണിപ്പുഴയ്ക്ക് കുറുകെ ആറളം വൈൽഡ് ലൈഫ് ഡിവിഷനിലെ ജീവനക്കാർ നിർമിച്ച 2 ലൈൻ ഹാങ്ങിങ് സോളർ തൂക്കുവേലി പരിപാലിച്ചു വരുന്നതായും ഇതുകൂടാതെ 2 അലർട്ട് സിസ്റ്റങ്ങൾ കൂടി ഇവിടെ സ്ഥാപി ച്ചിട്ടുള്ളതെന്നും വൈൽഡ് ലൈഫ് വാർഡൻ വി.രതീശൻ, അസിസ്റ്റന്റ് വൈൽഡ് ലൈഫ് വാർഡൻ രമ്യ രാഘവൻ എന്നിവർ അറിയിച്ചു.
Content Highlight: Alert system installed along the Cheekkannipuzha riverbank
