കൂത്തുപറമ്പ്: കേരള വ്യാപാരി വ്യവസായി ഏകോപന സമിതി കൂത്തുപറമ്പ് യൂണിറ്റിന്റെ വാർഷിക സമ്മേളനത്തിൽ, ആശ്രയ പദ്ധതിയിൽ അംഗങ്ങളായിരിക്കെ മരണപ്പെട്ട വ്യാപാരികളുടെ കുടുംബങ്ങൾക്ക് കൈത്താങ്ങായി ഇതുവരെ 30 കോടി രൂപ വിതരണം ചെയ്തതായി സംസ്ഥാന സെക്രട്ടറി ദേവസ്യ മേച്ചേരി അറിയിച്ചു.
ചെറുകിട വ്യാപാര മേഖലയെ ഓൺലൈൻ വ്യാപാരത്തിന്റെ വ്യാപനം ഗുരുതരമായി ബാധിക്കുന്നുവെന്നും പശ്ചിമേഷ്യൻ യുദ്ധസാഹചര്യത്തെ തുടർന്നുണ്ടായ ഗ്യാസ് വിലവർധന മൂലം സംസ്ഥാനത്തെ നിരവധി ഹോട്ടലുകൾ പ്രതിസന്ധിയിലായിരിക്കുകയാണെന്നും അദ്ദേഹം പറഞ്ഞു. പ്രവർത്തിക്കുന്ന ഹോട്ടലുകളിൽ പലതും നഷ്ടത്തിലൂടെയാണ് മുന്നോട്ട് പോകുന്നതെന്നും അദ്ദേഹം ചൂണ്ടിക്കാട്ടി.
വിദ്യാഭ്യാസ സ്ഥാപനങ്ങളായി പ്രവർത്തിക്കേണ്ട ചില വിദ്യാലയങ്ങൾ അനധികൃത വ്യാപാര കേന്ദ്രങ്ങളാക്കി മാറ്റുന്ന പ്രവണതയും വർധിച്ചുവരുന്നതായി അദ്ദേഹം വിമർശിച്ചു.
ചടങ്ങിൽ ആശ്രയ പദ്ധതിയുടെ ചികിത്സാ ധനസഹായ വിതരണം ജില്ലാ ജനറൽ സെക്രട്ടറി ബാഷിത് നിർവഹിച്ചു. രണ്ട് വർഷത്തെ പ്രവർത്തന റിപ്പോർട്ട് ജനറൽ സെക്രട്ടറി എൻ പി പ്രകാശൻ അവതരിപ്പിച്ചു. വരവ്-ചെലവ് കണക്ക് ട്രഷറർ എ ടി അബ്ദുൽ അസീസ് അവതരിപ്പിച്ചു.
ജില്ലാ വൈസ് പ്രസിഡന്റുമാരായ സി സി വർഗീസ്, എ സുധാകരൻ, മേഖല പ്രസിഡന്റ് വി ഹരീന്ദ്രൻ, മേഖല ജനറൽ സെക്രട്ടറി കെ രാഘവൻ എന്നിവർ ആശംസ പ്രസംഗം നടത്തി.ചടങ്ങിൽ പി ഭാസ്കരൻ നന്ദി രേഖപ്പെടുത്തി.
Content Highlight: Koothuparamba
.jpeg)
.jpeg)
.jpeg)
.jpeg)
.jpeg)
.jpeg)
