കണ്ണൂര്: സംസ്ഥാനത്ത് പവര് കട്ടുണ്ടാവില്ലെന്നും ഇപ്പോഴുള്ളത് പവര് ഫെയിലറാണെന്നും മന്ത്രി സണ്ണി ജോസഫ് പറഞ്ഞു. വൈദ്യുതിയുമായി ബന്ധപ്പെട്ട് സ്വയം പര്യാപ്തമായ സാഹചര്യമുണ്ടാകേണ്ടത് പ്രധാനമാണെന്നും സണ്ണി ജോസഫ് പറഞ്ഞു. മനുഷ്യന് ജീവിക്കാന് അത്യാവശ്യമായ വായു, ജലം പോലെ തന്നെ പ്രധാനപ്പെട്ട ഘടകമാണ് വൈദ്യുതിയെന്നും ഈ മേഖലയുമായി ബന്ധപ്പെട്ട ഒട്ടേറെ കാര്യങ്ങളുണ്ടെന്നും അതെല്ലാം പഠിച്ച് വരികയാണെന്നും അതിനായി മുന് മന്ത്രിമാരുമായും ഉദ്യോഗസ്ഥരുമായും സംസാരിക്കുമെന്നും മന്ത്രി പറഞ്ഞു. വൈദ്യുതി, പാര്ലമെന്ററി, പരിസ്ഥിതി വകുപ്പ് മന്ത്രിയായി സത്യപ്രതിജ്ഞ ചെയ്തശഷം ആദ്യമായി കണ്ണൂരിലെത്തിയ അഡ്വ. സണ്ണി ജോസഫ് കണ്ണൂര് പ്രസ്സ് ക്ലബ്ബില്ഏര്പ്പെടുത്തിയ മീറ്റ് ദി പ്രസ്സ് പരിപാടിയില് പങ്കെടുക്കുകയായിരുന്നു.
ഡിസിസി പ്രസിഡണ്ട് അഡ്വ. മാര്ട്ടിര് ജോര്ജ്ജും ഒപ്പമുണ്ടായിരുന്നു. പ്രസ്സ് ക്ലബ്ബ് പ്രസിഡണ്ട് സി സുനില്കുമാര് അദ്ധ്യക്ഷത വഹിച്ചു. സെക്രട്ടറി കബീര് കണ്ണാടിപ്പറമ്പ് സ്വാഗതം പറഞ്ഞു. ട്രഷറര് കെ സതീശന് നന്ദി രേഖപ്പെടുത്തി.
No powercut in Kerala: Sunny Joseph
