#Vekalam AUP School #Parent Awareness #Student Development
വേക്കളം: കുട്ടികളുടെ സമഗ്ര വ്യക്തിത്വവികസനം ലക്ഷ്യമിട്ട് വേക്കളം A.U.P സ്കൂളിൽ രക്ഷിതാക്കൾക്കുള്ള ബോധവത്കരണ ക്ലാസ് സംഘടിപ്പിച്ചു.
പ്രധാന അധ്യാപിക ബിന്ദു ടി സ്വാഗതം ആശംസിച്ച ചടങ്ങിൽ PTA പ്രസിഡണ്ട് ഷാജി കെ അധ്യക്ഷത വഹിച്ചു.
കൗൺസിലിംഗ് സൈക്കോളജിസ്റ്റും പാരന്റിംഗ് കോച്ചും പ്രചോദനാത്മക പ്രഭാഷകനുമായ ബാസിത് റഹ്മാനി മോളൂർ ക്ലാസിന് നേതൃത്വം നൽകി. രക്ഷിതാക്കളുമായി സംവദിച്ച അദ്ദേഹം കുട്ടികളോടുള്ള സമീപനം, വളർത്തൽ രീതികൾ, പഠനത്തിലെ പ്രചോദനം, മൊബൈൽ-സോഷ്യൽ മീഡിയ ഉപയോഗം തുടങ്ങിയ വിഷയങ്ങളെ കുറിച്ച് വിശദമായി സംസാരിച്ചു. കുട്ടികളുടെ മാനസികാരോഗ്യവും വൈകാരിക വളർച്ചയും ഉറപ്പാക്കാൻ വീട്ടിൽ ശ്രദ്ധിക്കേണ്ട കാര്യങ്ങളും അദ്ദേഹം എടുത്തുപറഞ്ഞു.
ചടങ്ങിൽ റിട്ടയേർഡ് ഹെഡ്മാസ്റ്റർ രാജീവൻ കെ.പി, സ്കൂൾ മാനേജർ ഷിബു സി.എം, അധ്യാപകരായ നിഷ വി.ഐ, അനുശ്രീ ജി, മദർ PTA പ്രസിഡണ്ട് വിജിഷ എം എന്നിവർ ആശംസകൾ അറിയിച്ചു.
ബോധവത്കരണ ക്ലാസിന് ശേഷം വിവിധ മത്സരങ്ങളിൽ വിജയിച്ച വിദ്യാർത്ഥികൾക്കുള്ള സമ്മാനവിതരണവും നടന്നു.
Content Highlight: Parent Awareness Class Held at Vekalam AUP School for Student Development
